Home செய்திகள் மேட்டூர் அணை நீர்மட்டம் 120 அடியை எட்டியது

மேட்டூர் அணை நீர்மட்டம் 120 அடியை எட்டியது

180
0

மேட்டூர் அணை நீர்மட்டம் இன்று அதன் முழு கொள்ளளவான 120 அடியை எட்டியுள்ளது.

கடந்த சில நாட்களாக நீடித்து வந்த தொடர் மழையால் நீர்பிடிப்பு பகுதிகளில் நீர் நிறைந்தது. இதனால் அணைக்கு நீர்வரத்து அதிகரித்தது. இதனை தொடர்ந்து மேட்டூர் அணையின் நீர்மட்டம் இன்று அதன் முழு கொள்ளளவான 120 அடியை எட்டியுள்ளது. இது கடந்த 2 மாதங்களில் 3வது முறையாகும்.

மேட்டூர் அணை வரலாற்றில் கடந்த 86 ஆண்டுகளில் 44வது முறையாக அணை அதன் முழு கொள்ளளவை எட்டியுள்ளது. அணை நிரம்பிய நிலையில் அதில் இருந்து தண்ணீர் அதிக அளவில் திறந்து விடப்படும்.

இதனால் காவிரி கரையோரம் வசிக்கும் மக்களுக்கு எச்சரிக்கை விடப்பட்டு உள்ளது. கரையோர பகுதி மக்கள் நீர் வெளியேறும் பகுதியில் செல்பி எடுப்பது போன்ற செயல்களில் ஈடுபட வேண்டாம் என்றும் அறிவுறுத்தப்பட்டு உள்ளது.

Advertisements

Leave a Reply