Home செய்திகள் சென்னையில் மழைக்கால மீட்பு பணிகளை மேற்கொள்ள 35,476 பணியாளர்கள் தயார்!

சென்னையில் மழைக்கால மீட்பு பணிகளை மேற்கொள்ள 35,476 பணியாளர்கள் தயார்!

154
0

சென்னையில் பருவமழை காலங்களில், வெள்ளத்தடுப்பு, மீட்பு பணிகள் மற்றும் சுகாதார தூய்மை பணிகளை மேற்கொள்ள 35,476 பணியாளர்கள் தயார் நிலையில் உள்ளதாக ஆணையர் பிரகாஷ் தெரிவித்துள்ளார்.

சென்னை ஆணையர் பிரகாஷ் வெளியிட்டுள்ள அறிக்கை; “பெருநகர சென்னை மாநகராட்சியில் பருமழை காலங்களில் அதிக மழைநீர் தேங்கும் இடங்களைக் கண்டறிந்து தேவையான இடங்களில் அதிக குதிரைத்திறன் கொண்ட பம்பு செட்டுகள் இருப்பு வைத்திடவும், மழைநீர் வடிகால்வாய் பணிகள் நடைபெற்று வரும் இடங்களில், விரைந்து பணிகள் முடிக்கவும், தண்ணீர் தடையில்லாமல் செல்கின்ற வகையில் இணைப்புகள் ஏற்படுத்திடவும், மழைக்காலங்களில் பல்வேறு விதமான தொற்றுநோய்களால் சுகாதார சீர்கேடு ஏற்படுவதை தவிர்க்கும் பொருட்டும், அவைகளிலிருந்து பொதுமக்களை பாதுகாக்கும் பொருட்டு பாதுகாப்பு நடவடிக்கைகளில் சுகாதாரத்துறை அதிகாரிகள் கூடுதல் கவனம் செலுத்திடவும் அறிவுறுத்தப்பட்டுள்ளது.

வெள்ளத்தடுப்பு, மீட்பு பணிகள் மற்றும் சுகாதார தூய்மை பணிகளை மேற்கொள்ள 35,476 பணியாளர்கள் தயார் நிலையில் உள்ளனர். பெருநகர சென்னை மாநகராட்சி 1,894கி.மீ. நீளத்திற்கு 7,351 எண்ணிக்கையில் மழைநீர் வடிகால்களை பராமரித்து வருகிறது.

மேலும், பெருநகர சென்னை மாநகராட்சியில் 15 மண்டலங்களில் 468 இடங்களில் சுமார் ரூ.440 கோடியில் மதிப்பீட்டில் 155.49கி.மீ. நீளத்திற்கு மழைநீர் வடிகால்கள் அமைக்க பணிகள் எடுத்துக் கொள்ளப்பட்டு, இதுவரை 85 சதவீத பணிகள் முடிவடைந்துள்ளன.

Advertisements

Leave a Reply