Home செய்திகள் வரும் 9-ஆம் தேதி முதல் தமிழகத்தில் கனமழை

வரும் 9-ஆம் தேதி முதல் தமிழகத்தில் கனமழை

214
0

செப்டம்பர் 9-ஆம் தேதி முதல் தமிழகத்தில் கனமழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது. வளிமண்டல மேலடுக்கு சுழற்சி மற்றும் வெப்பச்சலனம் காரணமாக தமிழகம் முழுவதும் பல்வேறு பகுதிகளில் கடந்த சில நாட்களகாக பரவலாக மழை பெய்து வருகிறது.

சென்னையில் பகல் முழுவதும் வானம் மேகமூட்டத்துடன் காணப்படும் நிலையில், மாலை நேரங்களில் மழை பெய்து வருகிறது. இதனிடையே சென்னை வானிலை மைய அதிகாரிகள் இன்று கூறியிருப்பதாவது;

செப்டம்பர் 9-ம் தேதி முதல் தமிழகத்தில் கனமழை பெய்ய வாய்ப்பு உள்ளது. குறிப்பாக சென்னை மற்றும் கடலோர மாவட்டங்களில் கனமழை பெய்ய அதிக வாய்ப்பு உள்ளது. தற்போது வெப்பச் சலனம் காரணமாக மாலை மற்றும் இரவு நேரங்களில் சென்னையில் மழை பெய்து வருகிறது. இந்த நிலை இன்னும் ஒரு வாரத்துக்கு நீடிக்கும்.

அதேபோல தென்மேற்குப் பருவமழை படிப்படியாகக் குறையும். இதன் காரணமாக மும்பை, கர்நாடகா, கேரளா ஆகிய மாநிலங்களில் நாளை மறுநாள்முதல் மழை குறையத் தொடங்கும்.

கடந்த 24 மணிநேரத்தில் அதிகபட்சமாக நீலகிரியில் கூடலூர் பஜாரில் 15 செ.மீ. மழையும், நடுவட்டத்தில் 11 செ.மீ. மழையும், சின்னக் கல்லாறில் 9 செ.மீ. மழையும் பதிவாகி உள்ளது என்று சென்னை வானிலை மையம் தெரிவித்துள்ளது.

Advertisements

Leave a Reply