Home செய்திகள் அந்தேரியில் 22 மாடி கட்டிடத்தில் தீ

அந்தேரியில் 22 மாடி கட்டிடத்தில் தீ

145
0

மும்பை அந்தேரி மேற்கு, வீர் தேசாய் ரோட்டில் 22 மாடிகளை கொண்ட ‘பெனின்சுலா பிசினஸ் பார்க்’ என்ற கட்டிடம் அமைந்து உள்ளது. நேற்று மதியம் இந்த கட்டிடத்தில் உள்ள அலுவலகங்கள் மற்றும் நிறுவனங்களில் சுமார் 1,000-க்கும் மேற்பட்டோர் வேலை பார்த்து கொண்டு இருந்தனர்.

மதியம் 12.45 மணியளவில் கட்டிடத்தின் 6-வது மாடியில் உள்ள மின் வயரில் திடீரென தீப்பிடித்தது. இதைப்பார்த்து கட்டிடங்களில் இருந்தவர்கள் அலறி அடித்துக்கொண்டு வெளியே ஓடிவந்தனர்.

இதற்கிடையே தீ மள, மளவென மின் வயர்களில் பிடித்து 12-வது மாடி வரை பரவியது.

இந்தநிலையில் தகவல் அறிந்து தீயணைப்பு துறையினர் 4 தீயணைப்பு வாகனங்கள், அதிவிரைவு மீட்பு வாகனம், 3 ராட்சத தண்ணீர் டேங்கர்கள், 2 மடக்கும் வசதி கொண்ட ராட்சத ஏணிகள், 6 ஆம்புலன்ஸ்களில் விரைந்து வந்தனர். அவர்கள் ராட்சத ஏணி மூலம் அரை மணி நேரத்தில் கட்டிடத்தில் எரிந்த தீயை தண்ணீரை பீய்ச்சி அடித்து அணைத்தனர். மேலும் கட்டிடத்தின் 11-வது மாடியில் சிக்கியிருந்த 3 பேரை லேசான காயங்களுடன் மீட்டனர்.

இதேபோல கட்டிடத்தின் மொட்டை மாடியில் சிக்கிய 50-க்கும் மேற்பட்டவர்களும் பத்திரமாக மீட்கப்பட்டனர்.

Advertisements

Leave a Reply