Home சினிமா வெளியானது பிகில் போஸ்டர்: லுங்கி, கையில் கத்தியுடன் மாஸ் காட்டும் விஜய்

வெளியானது பிகில் போஸ்டர்: லுங்கி, கையில் கத்தியுடன் மாஸ் காட்டும் விஜய்

198
0

விஜய் நடித்துள்ள பிகில் படத்தின் புதிய போஸ்டர் வெளியாகி ரசிகர்களை கவர்ந்துள்ளது.

அட்லி இயக்கத்தில் விஜய், நயன்தாரா உள்ளிட்டோர் நடித்துள்ள பிகில் படத்தை தீபாவளிக்கு ரிலீஸ் செய்ய திட்டமிட்டுள்ளனர். படத்தின் இசை வெளியீட்டு விழா வரும் 19ம் தேதி சென்னையில் உள்ள சாய்ராம் பொறியியல் கல்லூரியில் நடைபெற உள்ளது.

இந்நிலையில் இன்று ட்வீட் செய்த பிகில் பட தயாரிப்பாளர் அர்ச்சனா கல்பாத்தி, தயவு செய்து ரிலீஸ் தேதி தொடர்பாக எதுவும் கணித்து, வதந்தி பரப்ப வேண்டாம். சென்சாருக்கு பிறகு நாங்கள் அறிவிப்போம். பாக்ஸ் ஆபீஸில் புதிய சாதனை படைக்க ஏதுவான நாளை நாங்கள் தேர்வு செய்வோம் என்று தயவு செய்து நம்புங்கள். மேலும் இன்று மாலை 6 மணிக்கு புது போஸ்டர் வெளியிடப்படும் என்றார்.

அர்ச்சனாவின் ட்வீட்டை பார்த்த விஜய் ரசிகர்கள் குஷியாகி மணியை, மணியை பார்த்துக் கொண்டிருந்தனர். அட, இன்னைக்குன்னு பார்த்து 6 மணி சீக்கிரம் வரமாட்டேன் என்கிறதே என்று இருந்தனர். இந்நிலையில் அறிவித்தபடி பிகில் போஸ்டரை வெளியிட்டுள்ளனர். அந்த போஸ்டரில் விஜய் லுங்கி கட்டி கையில் கத்தியுடன் மாஸாக போஸ் கொடுத்துள்ளார். மேலும் இசை வெளியீட்டு விழா வரும் 19ம் தேதி என்பதை போஸ்டர் மூலம் உறுதி செய்துள்ளனர்.

போஸ்டரை பார்த்த விஜய் ரசிகர்கள் கூறியிருப்பதாவது,

தலைவா, போஸ்டர் மரண மாஸாக உள்ளது. வேற லெவல், தெறி, இருக்கு படத்தில் நிறைய என்டெர்டெயின்மென்ட் இருக்கு. வெறித்தனம் என்று தெரிவித்துள்ளனர்.

பிகில் இசை வெளியீட்டு விழாவுக்கு நயன்தாரா வருவாரா, மாட்டாரா என்று இருந்த நிலையில் அவர் நண்பன் அட்லிக்காக கொள்கையை தளர்த்தியுள்ளார். நயன்தாராவை விஜய்யுடன் மேடையில் பார்க்கப் போகிறோம் என்ற குஷியில் இருந்த ரசிகர்கள் புது போஸ்டரால் மேலும் மகிழ்ச்சி அடைந்துள்ளனர்.

Advertisements

Leave a Reply